Inilabas na ng <a href="https://www.facebook.com/aliwanfiestaofficial" target="_blank" rel="noopener">Aliwan Fiesta</a> ang opisyal na listahan ng mga kalahok sa Streetdance and Float Parade Competition ngayong taon.
Unti-unti nang nararamdaman ang excitement habang naghahanda ang mga kababayan natin mula sa iba&rsquo;t ibang bahagi ng bansa para ipakita ang kanilang magagandang costumes, makapanindig-balahibong choreography, at kahusayan sa sining.
Maghaharap-harap sa streetdance competition ang&nbsp;Lakbayaw Festival (City of Manila); Panagbenga Flower Festival (Baguio City); Bodong Festival (Rizal, Kalinga); Daing Festival (Sto. Tomas, La Union); Halamanan Festival (Guiguinto, Bulacan); Dinamulag Mango Festival (Iba, Zambales); Panagkakadua-an Festival (San Felipe, Zambales); Antipolo Maytime Festival (Antipolo City); Hamaka Festival (Taytay, Rizal); Niyogyugan Festival (Pagbilao, Quezon); Dinagyang Festival (Iloilo City); Tultugan Festival (Iloilo Province); Sinulog Festival (Cebu); at Meguyaya Festival (Upi, Maguindanao del Norte).
Pipili ng mananalo sa pamamagitan ng mga sumusunod na criteria: Theme/Concept (35%), Choreography (20%), Performance (20%), Costume (15%), at Props (10%). Makakatanggap ng ₱1.5 million ang grand prize winner habang mag-uuwi rin ng cash prizes ang runners-up. Mamimigay rin ang mga hurado ng special awards tulad ng Pride of Place, Best Costume, at Best Musical Accompaniment.
Maglalaban-laban naman sa Float Parade Competition ang Bahay Pangisdaan (Muntinlupa City); Halamanan Festival (Guiguinto, Bulacan); Republica Filipina - Fiesta Rebuplica (Malolos, Bulacan); Panagkakadua-an Festival (San Felipe, Zambales); Ilwan a Inaul sa Kutawato (Cotabato City); Guinakit (Cotabato City); Adat Betad sa Maguiranun (Mother Kabuntalan, Maguindanao del Norte); Lamin o Bidadari (Northern Kabuntalan, Maguindanao del Norte); at Lilang-Lilang (Datu Odin Sinsuat, Maguindanao del Norte).
Kabilang sa criteria ang Craftsmanship (50%), Theme (25%), at Overall Impact and Ingenuity (25%). Makakatanggap ng ₱750,000 ang grand winner habang mag-uuwi rin ng cash prizes ang runners-up.
Sisiguruhin ng MBC Media Group ang mas pinasayang three-day cultural extravaganza ngayong taon sa tulong ng Pride, Unique, Smart, Star Wax, Shield, Charm, White Rose, Tanduay, Dunkin, Bingo Plus, MX3, Rexona, Sunsilk, Absolute, Summit, AICS, at Bayview Hotel. Papalapit na nang papalapit ang biggest and grandest festival ng taon. Suportahan ang napupusuan niyong contingent sa darating na June 27-29!