Nagtipon-tipon ang GMA Network kasama ang ilan sa pinakarespetado at kilalang media organizations, academic institutions, at ang Commission on Elections (COMELEC) upang bumuo ng pinakamalaking samahan laban sa disinformation.
Sa pangunguna ng Kapuso Network, halos 60 partners ang dumalo sa Panata Kontra-Fake News Covenant Signing sa ilalim ng panawagang &ldquo;Magkaisa Tayong Labanan ang Fake!&rdquo;
<iframe style="border: none; overflow: hidden;" src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2Fstateofdnation%2Fvideos%2F4036648156564305%2F&amp;show_text=false&amp;width=560&amp;t=0" width="560" height="314" frameborder="0" scrolling="no" allowfullscreen="allowfullscreen"></iframe>
Bukod sa industry leaders, layunin ng kampanyang itong hikayatin ang bawat Pilipino na magkaisa kontra sa pagkalat ng fake news at disinformation.
&ldquo;Fake news is both dangerous and harmful, but the truth is glorious and useful. It fosters an informed populace, essential for a functioning democracy and a stronger society. With it, we lay the groundwork for transformative projects that enhance the lives of every Filipino,&rdquo; pahayag ni GMA Network Chairman Atty. Felipe L. Gozon sa covenant signing na ginanap din noong National Press Freedom Day.
Dagdag pa ni Gozon, &ldquo;Truth is the very mechanism by which we build a better nation. It is not always the most viral, but it remains the best story to tell. Lagi&rsquo;t lagi, sama-sama tayong magpahayag ng katotohanan na walang kinikilingan, walang pinoprotektahan, walang kasinungalingan, sa pamamagitan ng serbisyong totoo lamang.&rdquo;
Batay sa survey ng Pulse Asia noong September 2022, siyam sa bawat 10 Pilipino ang naniniwalang problema ang fake news. Samantala, sa isang survey ng Social Weather Station noong fourth quarter ng 2021, 67% ng mga sumagot ang naniniwalang seryosong problema ang fake news sa Internet, habang 51% naman ang nagsabing mahirap tukuyin ang fake news.
Kabilang sa mga nanguna sa covenant signing ay sina GMA President at CEO Gilberto R. Duavit, Jr., Executive Vice President at Chief Financial Officer Felipe S. Yalong, GMA Integrated News, Regional TV, at Synergy Senior Vice President at Head Oliver Victor B. Amoroso, Senior Vice President for Corporate Strategic Planning and Business Development at Concurrent Chief Risk Officer Regie C. Bautista, First Vice President for Public Affairs Nessa Valdellon, First Vice President for Radio Operations Group Glenn F. Allona, at GMA New Media, Inc. President at Chief Operating Officer Dennis Augusto L. Caharian, pati na rin si Vice President for Corporate Affairs &amp; Communications Angela Javier Cruz.
<iframe style="border: none; overflow: hidden;" src="https://www.facebook.com/plugins/post.php?href=https%3A%2F%2Fwww.facebook.com%2FKapisananNgMgaBrodkasterNgPilipinas%2Fposts%2Fpfbid02NV5StyW3a17wch9ALRSHMJzMn7A7hKtcuQ1rFdefxMoKmUQSaSy9xmU4vn8a9tnCl&amp;show_text=true&amp;width=500" width="500" height="809" frameborder="0" scrolling="no" allowfullscreen="allowfullscreen"></iframe>
Nasa hanay din ng partners ang COMELEC Chairman na si Atty. George Erwin M. Garcia.
Kasama rin sa mga pumirma ng kasunduan ang mga kinatawan mula sa kilalang media organizations tulad ni <a href="https://www.facebook.com/mbcmediagroup" target="_blank" rel="noopener">MBC Media Group</a> President Ruperto S. Nicdao, Jr..
Nagpahayag din ng suporta ang iba&rsquo;t ibang unibersidad gaya ng University of the Philippines Diliman, University of Santo Tomas, at Center for Media Freedom and Responsibility (CMFR).
Samantala, suportado rin ng Google ang kampanya sa pamamagitan ng Head of Government Affairs and Public Policy na si Atty. Yves Gonzalez.
Kasunod nito, maglulunsad ang GMA Network ng mga content upang magbigay kaalaman sa mga Pilipino tungkol sa fake news.
Para sa iba pang detalye, mangyari lamang na bisitahin ang <a href="https://www.gmanetwork.com/news/microsites/" target="_blank" rel="noopener">GMA News Online</a> microsite.