Kung isa ka sa daan-daang libong naubusan ng GUTS world tour concert tickets, &rsquo;wag kang mag-alala. May pag-asa ka pa!
Mapapanood na ang concert special ni <a href="https://www.facebook.com/OliviaRodrigoOfficial" target="_blank" rel="noopener">Olivia Rodrigo</a> sa Netflix sa darating na October 29. Oh, &rsquo;di ba? Hindi na natin kailangang makipagsiksikan dahil puwede na natin itong mapanood kahit nasa bahay lang!
Para raw ito sa Livies na hindi nakapunta sa kanyang tour. Ito ay kinunan sa Intuit Dome sa Los Angeles, California.
&ldquo;I am so excited to share the GUTS world tour with my fans,&rdquo; sabi ni Rodrigo. &ldquo;For those of you who didn&rsquo;t get a chance to rock out in-person, now you can have the best seats in the house! And to the fans who cheered, screamed, and danced with me, I am so glad we get to do it all over again!&rdquo; dagdag niya.
<iframe style="border: none; overflow: hidden;" src="https://www.facebook.com/plugins/post.php?href=https%3A%2F%2Fwww.facebook.com%2Fnetflixph%2Fposts%2Fpfbid0CTS8FVUZJFNUVcBBRmB1Be6EvQvRu6TJfrWN2YqzxZf7q2a1DXJwPiY1ND5TMEUKl&amp;show_text=true&amp;width=500" width="500" height="609" frameborder="0" scrolling="no" allowfullscreen="allowfullscreen"></iframe>
Nagsimula ang GUTS&nbsp;world tour noong February 23 sa Acrisure Arena Desert sa California, at magtatapos ito sa March 30, 2025 sa Lollapalooza sa Brazil. Pero bago &rsquo;yan, excited na rin ang mga kababayan niya dahil tutugtog ang 21-year-old sa Philippine Arena ngayong Sabado, October 5! Makasaysayan ang unang concert niya sa bansa kung saan halos 800,000 ang nag-abang para makakuha ng tickets. Ayon sa Live Nation Philippines, nasa 745,000 fans ang nasa waiting list nang magsimula silang magbenta ng tickets para sa nasabing concert.