Maghaharap-harap ang pinakamagagandang babaeng kinatawan ng iba&rsquo;t ibang rehiyon para masungkit ang titulo ng Reyna ng Aliwan ngayong taon.
Hindi lang basta highlight ng <a href="https://www.facebook.com/aliwanfiestaofficial" target="_blank" rel="noopener">Aliwan Fiesta</a> mula 2003 ang beauty pageant na ito. Dito lang naman nagsimula ang ilang kilalang beauty queens, model, at actress.
Maliban sa pagpapakita ng kanilang angking ganda at talino, buong pagmamalaki ring ibinabandera ng mga kandidata ang kanilang kultura, turismo, at s&rsquo;yempre, ipinagdiriwang na festival.
Rarampa sila sa segments tulad ng festival costume, swimsuit, evening gown, at question and answer. Tutukuyin ng judges ang pinakabagong Festival Queen base sa sumusunod na criteria: 35% Personality, 35% Beauty and Poise, 20% Costume, at 10% Overall Impact.
Tulad ni Reyna ng Aliwan 2023 Kiara Liane Wellington mula sa Sinulog Festival ng Cebu, ang mananalo ay ipapadala sa festivals sa buong bansa at iba pang promotional activities ng MBC Media Group events. Marami ang nag-aabang sa mananalo kaya hindi muna siya puwedeng sumali ng ibang beauty pageant hangga&rsquo;t hindi naipapasa ang korona. Kabilang sa Reyna ng Aliwan winners na nakakuha ng domestic and international crowns ay sina Mutya ng Pilipinas Vera Eumee Reiter, Binibining Pilipinas titleholders Mary Jean Lastimosa, Rogelie Catacutan, at Ahtisa Manalo, Miss Earth titleholders Jamie Herrell at Karla Hentry, Miss Tourism International Rizzini Alexis Gomez at Angeline Dione Gomez, Miss Eco International Cynthia Thomalla, at Miss Asia Pacific International Sharifa Aqeel.&nbsp;
Ang Aliwan Fiesta 2024 ay hatid sa inyo ng MBC Media Group sa pakikipagtulungan sa Lungsod ng Pasay, Lungsod ng Maynila, at Cultural Center of the Philippines. Sinuportahan din ito ng Pride, Unique, Smart, Star Wax, Shield, Charm, White Rose, Tanduay, Dunkin, Bingo Plus, MX3, Rexona, Sunsilk, Absolute, Summit, AICS, at Bayview Hotel.