<p>Matapos ang ilang dekadang pagtugtog, makikilala na natin ang tunay na Eraserheads. Mag-ready na kayo, mga YesPren, dahil sa darating na March 21 hanggang 23, mapapanood na natin sa sinehan ang kuwento ng Eraserheads sa kanilang docufilm na &ldquo;Eraserheads: Combo On The Run!&rdquo;</p>
<p><iframe style="border: none; overflow: hidden;" src="https://www.facebook.com/plugins/video.php?height=314&amp;href=https%3A%2F%2Fwww.facebook.com%2FWarnerBrosPH%2Fvideos%2F3945935242297071%2F&amp;show_text=false&amp;width=560&amp;t=0" width="560" height="314" frameborder="0" scrolling="no" allowfullscreen="allowfullscreen"></iframe></p>
<p>Nitong January 6, inilabas ng Warner Bros. Pictures ang inaabangang trailer ng docufilm. Highlight ng video ang pagsikat ng Eraserheads. Kuwento ni Marcus Adoro, ang lead guitarist ng banda, sunod-sunod daw ang commercials, TV show guestings, movies, at tours nila noon. Naging mainit ang pagtanggap sa kanila ng &lsquo;90s OPM fans, at kahit dekada ang lumipas, kita pa rin ang solid na pagsuporta sa kanila. Pasabog ang opening ng trailer dahil pinakita ang mahigit 60,000 fans na nanood sa kanilang 2022 comeback concert, &ldquo;Ang Huling El Bimbo.&rdquo;</p>
<p>Kumpleto ang band members na sina Ely Buendia, Raimund Marasigan, Buddy Zabala, at Marcus Adoro para sa project na ito. Sabi nga ng kanilang frontman na si Ely, &ldquo;It's time to look at the future and honor the past.&rdquo; Ganern!</p>