&rsquo;Pag sinabing <a href="https://www.facebook.com/aliwanfiestaofficial" target="_blank" rel="noopener">Aliwan Fiesta</a>, hindi na mawawala sa isip natin ang Grand Parade ng street dancers at beauty queens na sakay ng magagarbong float. Sa pagbabalik ng Festival of Festivals, hindi lang Pasakalye, Reyna ng Aliwan, at Streetdance and Float Competition ang dapat nating paghandaan dahil sa unang pagkakataon, sa June 27, magpapasiklaban ang homegrown musicians mula sa festival contingents sa pag-perform ng kanilang festival song at Aliwan Fiesta theme song para sa grand prize na ₱100,000. Mamimili ang mga hurado ng mananalo base sa arrangement, stage presence, at audience impact. Unang araw pa lang, star-studded na agad ang Aliwan Fiesta dahil tutugtog ang ilan sa mga viral musicians ngayon tulad ng Dilaw, Ryssi Avila, Arthur Miguel, Yes My Love, at Auxbeat sa Pasakalye Concert.
Rarampa naman ang beauty queens na kinatawan ng bawat festival para sungkitin ang titulong Reyna ng Aliwan sa June 28. Paniguradong mapapangiti hindi lang ang mga babaeng ito kun&rsquo;di ang mga tagahanga nila sa panghaharana ng balladeer na si Daryl Ong sa gabi ring &rsquo;yon! Inaasahan namang dudumog ang mga tao sa huling araw nito sa June 29 kung saan mapapanood natin sina Tom Taus at ang Rocksteddy. Dito na rin magkakaalaman kung sino nga ba ang &lsquo;best of the best&rsquo; mula sa Festival of Champions ngayong taon. Ang Aliwan Fiesta 2024 ay hatid sa inyo ng MBC Media Group sa pakikipagtulungan sa Lungsod ng Pasay, Lungsod ng Maynila, at Cultural Center of the Philippines. Sinuportahan din ito ng Pride, Unique, Smart, Star Wax, Shield, Charm, White Rose, Tanduay, Dunkin, Bingo Plus, MX3, Rexona, Sunsilk, Absolute, Summit, AICS, at Bayview Hotel.